អត្ថបទ​នេះមានជាភាសា៖ enEnglish

វគ្គ​បណ្ដុះបណ្ដាល​ផ្នែក​ប្រព័ន្ធ​ផ្សព្វផ្សាយ​សង្គម


អត្រា​អ្នក​ប្រើប្រាស់​ទូរស័ព្ទ និង​អ៊ិនធើណិត​កើន​ឡើង​ជា​លំដាប់​ពី​មួយ​ឆ្នាំ​ទៅ​មួយ​ឆ្នាំ ហើយ​ថ្មីៗ​នេះ Facebook បាន​ក្លាយ​ជា​ប្រភព​សំខាន់​បំផុត​សម្រាប់​ប្រជាជន​កម្ពុជា​ក្នុងការ​ទទួល​ព័ត៌មាន។ អង្គការ​សង្គម​ស៊ីវិល និង​ក្រុមហ៊ុន​ជា​ច្រើន​បាន​ប្រើប្រាស់ Facebook ជា​វេទិកា​មួយ​ដើម្បី​ផ្ដល់​ព័ត៌មាន និង​ផ្សព្វផ្សាយ​ពី​សកម្មភាព​នានា​ទៅ​ដល់​អ្នកប្រើប្រាស់ និង​ទស្សនិកជន​ដែល​ជា​គោលដៅ​របស់ពួកគេ ប៉ុន្តែ​ពួកគេ​ខ្វះខាត​ជំនាញ​ក្នុងការ​បង្កើត​នូវ​សារ​ដែល​ល្អ ប្រកប​ដោយ​ប្រសិទ្ធភាព​ដើម្បី​ទាក់ទាញ​ក្រុម​គោលដៅ​របស់​ខ្លួន។ ដើម្បី​បំពេញ​ចំណុច​ខ្វះខាត និង​ដោះ​ស្រាយ​បញ្ហា​ប្រឈម​មួយ​នេះ Development Innovations បាន​ផ្ដល់​នូវ​វគ្គ​បណ្ដុះបណ្ដាល​អំពី​ប្រព័ន្ធ​ផ្សព្វផ្សាយ​សង្គម​ដោយ​ផ្ដោត​ទៅ​លើ​ការ​គ្រប់គ្រង​ទំព័រ Facebook ឲ្យ​បាន​ជោគជ័យ និង​របៀប​បង្កើត​ផែនការ​គ្រប់គ្រង​ការ​ប្រើប្រាស់ Facebook ព្រម​ទាំង​សារ​ដែល​អាច​ទាក់ទាញ​ក្រុម​គោលដៅ​របស់​លោកអ្នក។
 
Social Media Training

វគ្គ​បណ្ដុះ​បណ្ដាល​រយៈពេល​បី​ថ្ងៃ​នេះ​រួម​មាន៖

  • ការ​អនុវត្ត​ផ្ទាល់​ក្នុងការ​បង្កើត​សារ​ដែល​ទាក់ទាញ និង​ប្រើប្រាស់ Facebook Insights
  • ការ​អនុវត្ត​ផ្ទាល់​ទៅ​លើ​បច្ចេកទេស​ក្នុង​ការ​ថតរូប​ដោយ​ប្រើ​ទូរស័ព្ទ​ដើម្បី​ឲ្យ​រូបភាព​មាន​គុណភាព​ខ្ពស់
  • ការ​រចនា​ប្រកប​ដោយ​ភាព​ច្នៃ​ប្រឌិត
  • ការ​បង្កើត​ផែនការ​គ្រប់គ្រង​ការ​ប្រើប្រាស់ ប្រព័ន្ធ​ផ្សព្វផ្សាយ​សង្គម​សម្រាប់​អង្គការ​របស់​លោកអ្នក

បន្ទាប់​ពី​បញ្ចប់​វគ្គ​បណ្តុះបណ្តាល សិក្ខាកាម​នឹង​អាច៖

  • យល់​ច្បាស់​ពី​របៀប​គ្រប់គ្រង​ទំព័រ Facebook ព្រម​ទាំង​ពិនិត្យ និង​ប្រើប្រាស់​ទិន្នន័យ​ឲ្យ​មាន​ប្រសិទ្ធភាព
  • អាច​បង្កើត​ខ្លឹមសារ​ដែល​មាន​ភាព​រស់រវើក និង​ទាក់​ទាញ
  • យល់​ពី​របៀប​ប្រើប្រាស់​ឧបករណ៍​មួយ​ចំនួន​ដែល​ឥត​គិត​ថ្លៃ និង​ចំណាយ​តិច​នៅ​លើ​អ៊ិនធើណិត​ដើម្បី​បង្កើត​ខ្លឹមសារ
  • អាច​បង្កើត​ផែនការ​គ្រប់គ្រង​ការ​ប្រើប្រាស់​ប្រព័ន្ធ​ផ្សព្វផ្សាយ​សង្គម​សម្រាប់​អង្គការ​របស់​ខ្លួន

ក្រុម​គោលដៅ៖

អ្នក​ចូលរួម​ទាំងអស់​ដែល​ស្ថិត​ក្នុង​ផ្នែក​ទីផ្សារ ឬ​ក៏​ផ្នែក​ទំនាក់ទំនង និងដែល​មាន៖

  • ការ​ទទួល​ខុសត្រូវ​ក្នុង​ការ​គ្រប់គ្រង​ទំព័រ Facebook របស់​អង្គការ ឬក្រុមហ៊ុន
  • មាន​ចំណេះ​ដឹង​មូលដ្ឋាន​ក្នុង​ការ​គ្រប់គ្រង​ទំព័រ Facebook
  • មាន​ចំណាប់​អារម្មណ៍​ខ្លាំង​ក្នុងការ​ប្រើប្រាស់​ប្រព័ន្ធ​ផ្សព្វផ្សាយ​សង្គម ឬ​ក៏​ចាប់​ផ្ដើម​ប្រើប្រាស់​ទំព័រ Facebook ដើម្បី​ផ្សព្វផ្សាយ​ពី​អង្គការ ឬ​ក្រុមហ៊ុន​របស់​ខ្លួន

 

តម្លៃ


វគ្គ​បណ្តុះបណ្តាល​សម្រាប់ អង្គការ និងស្ថាប័ន

រយៈពេល៖ បី​ថ្ងៃ​ (08:00-12:00, 13:30-17:30)

ចំនួន​អ្នក​ចូល​រួម៖ ច្រើន​បំផុត​ ១០នាក់

តម្លៃ៖ ១០០០ដុល្លារ


វគ្គ​បណ្តុះបណ្តាល​សម្រាប់ បុគ្គល

រយៈពេល៖ បី​ថ្ងៃ​ (08:00-12:00, 13:30-17:30)

តម្លៃ៖ ១៥០ដុល្លារក្នុងម្នាក់


កាល​វិភាគ៖ វគ្គ​បណ្ដុះបណ្ដាល​ដែល​បើក​បន្ទាប់​មាន

  • ថ្ងៃទី ០២-០៣-០៤ ខែឧសភា ឆ្នាំ ២០១៧
  • ថ្ងៃទី ១៣-១៤-១៥ ខែមិថុនា ឆ្នាំ ២០១៧
  • ថ្ងៃទី ១១-១២-១៣ ខែកក្កដា ឆ្នាំ ២០១៧
  • ថ្ងៃទី ១៥-១៦-១៧ ខែសីហា ឆ្នាំ ២០១៧

ចុះ​ឈ្មោះ​ឥឡូវ​នេះ​
 
ទំនាក់ទំនង

Development Innovations
ផ្ទះលេខ ២៩៦ ផ្លូវ ២៧១ សង្កាត់ ទូលទំពូង២ ខ័ណ្ឌ ចំការមន ភ្នំពេញ
ទូរស័ព្ទ៖ (+855) 95 702 008
អីម៉ែល៖ socialmedia@development-innovations.org

Meet our trainers:

Sotheavy

កញ្ញា អាត សុធាវី
អ្នក​គ្រប់គ្រង Innovation Lab

កញ្ញា អាត សុធាវី គឺ​ជា​អ្នក​គ្រប់គ្រង Innovation Lab និង​ជា​អ្នក​ដឹកនាំ​អ្នក​បង្ហាត់បង្ហាញ​នៃ​វគ្គ​បណ្តុះបណ្តាល​នៅ​គម្រោង Development Innovations។ សុធាវី មាន​បទ​​ពិសោធ​ការងារ​ក្នុង​ក្រុមហ៊ុន​ផលិតកម្ម ទាំង​ក្នុង​ប្រទេស​កម្ពុជា និង​ប្រទេស​អូស្រ្តាលី ហើយ​គាត់​ក៏​មាន​ជំនាញ​ក្នុង​ការ​ផលិត​វីដេអូ បង្ហាត់បង្ហាញ និង​ប្រព័ន្ធ​ផ្សព្វផ្សាយ​ផ្សេងៗ។ សុធាវី អាច​ជួយ​លោកអ្នក​ក្នុង​ការ​រៀប​ចំ​យុទ្ធសាស្រ្ត​សម្រាប់​ទំនាក់ទំនង ជួយ​សម្រួល​គម្រោង​ប្រព័ន្ធ​ផ្សព្វផ្សាយ​សង្គម និង​បង្រៀន​ពី​ដំណាក់​កាល​ផ្សេងៗ​ក្នុង​ការ​ផលិតវីដេអូដូចជា ស្វែង​យល់​ពី​ក្រុម​គោលដៅ និង​សារ ការ​គូរ​ក្តា​សាច់រឿង ការ​សរសេរ​សាច់រឿង និងការ​កាត់ត។

Leng

លោក ទ្រី ឡេង
អ្នក​ជំនាញ​ផ្នែក​ទំនាក់ទំនង

លោក ទ្រី ឡេង គឺ​ជា​អ្នក​ជំនាញ​ផ្នែក​ទំនាក់ទំនង​នៅ​គម្រោង Development Innovations។ គាត់​តែង​តែ​ជឿ​ជាក់​ថា​បច្ចេកវិទ្យា ជា​ពិសេស​ប្រព័ន្ធ​ផ្សព្វផ្សាយ​សង្គមអាច​ជួយ​ដោះស្រាយ​បញ្ហា​នានា​ក្នុង​សង្គម និង​ធ្វើ​ឲ្យ​ពិភពលោក​កាន់​តែ​ល្អ​ប្រសើរ​ជាងមុន។ គាត់​មាន​បទ​ពិសោធ​ក្នុង​ការ​រៀប​ចំ និង​អនុវត្ត​យុទ្ធសាស្រ្ត​ទំនាក់ទំនង​ដោយ​ប្រើប្រាស់​ទិន្នន័យ និង​ផ្តល់​ការ​បង្ហាត់បង្ហាញ និង​ការ​បណ្តុះបណ្តាល​ផ្នែក​ប្រព័ន្ធ​ផ្សព្វផ្សាយ​សង្គម​សម្រាប់​អតិថិជន​យើងខ្ញុំ។ គាត់​អាច​ជួយ​លោកអ្នក​បាន​ក្នុង​ការ​រៀបចំ​អត្ថបទ​ ខ្លឹមសារ​សំខាន់ៗ ប្រើប្រាស់​ឧបករណ៍​ដើម្បី​មើល​ទិន្នន័យ និង​បង្កើត​ផែនការ​សម្រាប់​ប្រព័ន្ធ​ផ្សព្វផ្សាយ​សង្គម។

Sophat

លោក ជី សុផាត
អ្នក​ជំនាញ​ផ្នែក​រចនា​ដោយ​ឌីជីថល

លោក ជី សុផាត ជាអ្នក​ជំនាញ​ផ្នែក​រចនា​ដោយ​ឌីជីថល​នៅ​គម្រោង Development Innovations។ លោក សុផាត ស្រលាញ់​ការ​រចនា​ដោយ​ឌីធីថល ហើយ​គាត់​បាន​បម្លែង​គំនិត​ច្នៃ​ប្រឌិត​របស់​គាត់​ឲ្យ​មាន​ភាព​រស់​រវើក​ក្នុង​គំនូរ​រចនា​របស់​គាត់។ លោក សុផាត បាន​រចនា​ខ្លឹមសារ​សំខាន់ៗ​សម្រាប់​កម្មវិធី​មួយ​ចំនួន​ដូចជា Barcamp Cambodia, Technovation Cambodia, StartUp Weekend Cambodia, Inno-tech Festival Cambodia, Mobile Camp Asia និង Google Developer Group Phnom Penh។